लेखा समितिया मुँज्याय् प्रम अनुपस्थित

नेपाल वायु सेवा निगमां विमान न्यायेगु बारे सहलह यायेत व्यवस्थापिका संसदया सार्वजनिक लेखा समितिं सःतुगु मुँज्याय् प्रधानमन्त्री अनुपस्थित जुयादीगु दु । प्रधानमन्त्री नेपालं कार्यव्यस्तताया हुनिं मुँज्याय् ब्वति कायेमफुगु धाःगु दु ।

विमान न्यायेगु विषयलय् छानबिन मयायेत अख्तियारया कर्मचारीयात प्रधानमन्त्री नेपालं निर्देशन ब्यूगु बुखँ सार्वजनिक जुइवं थुकीया बारे सहलह यायेत लेखा समितिं प्रमयात सःतुग खः ।