च्याम्ह सहायक रथीया फैसला बैशाष २७ गते
नेपाली सेनाया च्याम्ह सहायकरथीया पदावधि विवादया बारे अदालतय् बिचारधीन मुद्दाया फैसला २७गते जुइगु जूगु दु । सर्वोच्च अदालतं २२ गते तक बहस नोट प्रस्तुत यायेत सम्बन्धित निगूलिं पक्षयात आदेश बीवं फैसला सरे जूगु दु ।
थ्वस्वयां न्ह्यः रिटय् सुनुवाइ सोमवाः सिधेवं मंगलवाः फैसला न्यंकीगु ग्वसाः ग्वःयात:गु ख: । न्यायाधीशत अनुपराज शर्मा व प्रेम शर्माया मंकाः इजलासं आः तकया बहसया निगूलिं पक्षं लिखित रुपं पेश यायेत आदेश ब्यूगु दु । बहस नोट अध्ययनलिपा जक २७ गते फेसला न्यंकीगु जूगु दु ।
च्याम्ह सहायक रथीया पदावधि थप मयायोगु रक्षा मन्त्रालयया विरुद्ध लाःगु रिटय् सर्वोच्चं सहायक रथीया अवकास प्रकृया तत्कालया निंतिं दिकेत अन्तरिम आदेश जारी याःगु खः । उगु अन्तिरिम आदेश खारेजीया माग यासें रक्षा मन्त्रालयं सर्वोच्चय् मुद्दा दायर याःगु खः ।
