स्वंगू दलया मुँज्या निष्कर्षविहीन

एनेकपा (माओवादी)या विस्तारित मुँज्या न्ह्यः हे सहमति यायेगु ताः तयाः च्वंगु प्रमुख स्वंगू दलया मुँज्या बिनानिष्कर्ष क्वचाःगु दु ।

स्वंगू चरण तक थीथी रिसोर्ट लिपाः थौं शान्ति मन्त्रालय्लय् च्वंगु मुँज्याय् न्हापाया प्रस्तावित एजेण्डाय् खँल्हाबंला जूगु खःसां सहमति धाःसा जुइमफुत । आः शीर्ष नेतातय् मेगू मुँज्या माओवादीया विस्तारित मुँज्या लिपा जक च्वनीगु जूगु दु ।

मुँज्याय् कांग्रेस व एमालें माओवादी विस्तारित मुँज्याय् लडाकुतय्सं ब्वति कायेत्यंगु प्रति आपत्ति प्वंकूगु खःसा माओवादीं धाःसा लडाकुतय्सं न्हावलें नं मुँज्याय् ब्वति कायेगु यानाच्वंगुलिं आपत्ति यायेम्वाःगु लिसः ब्यूगु खः ।