'मुँज्याय् ब्वति काइपिं लडाकुतय्त कारवाही जुइ'

पराष्ट्रमन्त्री सुजाता कोइरालां एनेकपा (माओवादी)या खुक्वःगु विस्तारित मुँज्याय् ब्वति काइपिं लडाकुतय्त कारवाही यायेगु ख्याच्वः बियादीगु दु ।

नेपाःस्थित दक्षिण कोरियाली दूतावासं बिहीवाः ग्वसाःग्वःगु छगू ज्याझ्वलय् वय्कलं सरकारया सुविधा उपयोग यानाः पार्टीया ज्याझ्वलय् ब्वति काये मिलेमजूगु धासें यदि ब्वति काःसा कारवाही जुइगु धयादिल ।

आः नं लडाकुत शिविरं पिने वयेगु ज्या यानाच्वंगु धयादिसें वय्कलं अज्याःपिंत नं कारवाही यायेगु धयादिल ।