सत्ता केन्द्रीत राजनीति समस्या समाधानया पंगः : कांग्रेस नेता के.सी.

नेपाली कांग्रेसया नेता अर्जुन नरिसंह के.सीं. सत्ता केन्द्रीत राजनीति समस्या ज्यंकेगु लागि पंगः जुयाच्वंगु खँ धयादीगु दु ।

थौं पाल्पाय् प्रेस युनियन पाल्पां ग्वसाः ग्वःगु ज्याझ्वलय् न्ववानादिसें कांग्रेस नेता के.सीं. शान्ति प्रकृयाया लागि राजनीतिक दलत गैर जिम्मेवारी जूगुलिं समस्या ज्यनेत लिबानाच्वंगु खँ धयादिल । वय्कलं नेपाली कांग्रेसया मू एजेण्डा शान्ति प्रकृया व संविधान दयेकेगु खँ धयादिसें थुकिया लागि कांग्रेस गम्भिर जुयाः न्ह्यज्यानाच्वंगु नं धयादिल । अथेहे पत्रकारतय्त ख्याच्वः बीगु ज्याया बिरुद्ध मग्यासे बिरोध यायेमाःगु खँ धयादिल नापं हरेक बिचाःयात स्वतन्त्रता बीमाः धइगु मान्यता नेपाली कांग्रेसं कयाच्वंगु खँ नं स्पष्ट यानादिल ।