'स्वंगू दलं देय् बरबाद यात'
येँ (सन्ध्या टाइम्स)/वर्तमान सरकारया महिला बालबालिका तथा समाजकल्याण राज्यमन्त्री रामबच्चन यादवं ततःधंगु स्वंगू राजनीतिक दलतय्सं देशयात बरबाद याना बिल धकाः द्वपं बियादीगु दु ।
थौं सुथय् नवलपरासीया गैंडाकोटय् जूगु ज्याझ्वलय् न्ववासें वय्कलं प्रमुख प्रतिपक्ष एकीकृत माओवादी, सरकारय् सहभागी जुयाच्वंगु कांग्रेस व एमालें थःथःगु स्वार्थ जक स्वयाच्वंगुलिं देश बर्वाद जूगु खः धयादिल ।
राज्यमन्त्री यादवं बजेटयात कयाः दलया नेतातय्गु दथुइ कचमच जुयाच्वंगुप्रति चिन्ता प्वंकादिल ।
