थनिंनिसें माय् अपसं

किपू (सन्ध्या टाइम्स)/दँय्दसं थें किपूया चोबाहाः द्यःयाथाय् जुइगु लच्छि तकया मेलाया झ्वलय् थनिंनिसें माय् अपसं च्वनेगु शुरु जूगु दु। तसकं थाकुगु अपसं कथं नालातःगु माय् अपसं च्वनेगु ज्या वइगु पुन्हि तक जुइ। पुन्हिया कन्हय् कुन्हु जक सांस्कृतिक बाजं थानाः भ्वय् नयाः अपसं च्वंपिंत थनाः यंकेगु चलन दु। न्हापा न्हापा जूसा नेवाःत जक च्वना वयाच्वंगु खःसा छुं दँ न्ह्यःनिसें नेवाः मखुपिं नं यक्व हे थ्व अपसं च्वं वयेगु यानाहःगु दु ।