थौं बलम्बुइ जात्रा

बलम्बु (सन्ध्या टाइम्स)/येँनं दक्षिण पश्चिमपाखे लाःगु नेवाः वस्ती बलम्बुइ थौं सुथंनिसें जात्रा जुयाच्वंगु दु। महालक्ष्मी द्यःया देय्खः क्वबियाः थुगु जात्रा जुयाच्वंगु खः। जात्राया परम्परा कथं महालक्ष्मी द्यःया जात्रा याये न्ह्यः धकिइ कुमारी तयाः धकि जात्रा याइगु खः। दँय्दसं थौंया हे दिनय् बलम्बुइ जात्रा जुइसा थनिं लछि लिपा किपू, पांगा, नगां, मच्छेगां, सतुंगः नापं येँनं दक्षिण पश्चिम पाखेया न्हय्गांया जात्रा जुइ ।