बजेट हयेत २५ दल सहमत

वर्तमान कामचलाउ सरकारं हे वइगु मंसिर ३ गते व्यवस्थापिका संसदय् बजेट हयेगु सहमति २५दलं याःगु दु ।

प्रधानमन्त्री माधवकुमार नेपालया आव्हानय् बुधवाः प्रधानमन्त्री निवास बालुवाटारय् च्वंगु २७दलया मुँज्याय् दलतय्सं उगु सहमति प्वंकूगु खः । व्यवस्थापिका संसदय् दुथ्याःगु २७गूलिं दलयात प्रधानमन्त्री नेपालं बजेट व संविधान संशोधनया बारे सहलह यायेत मुँज्या सःतुगु खः ।

उगु मुँज्याय् २५ दलं संविधान संशोधन यानाः बजेट हयेगु खँय् सहमति प्वंकूसां नेकपा एकीकृत व दलित जनजाति पार्टीं संविधान संशोधन मयासें हे बजेट हयेमाःगु बिचाः प्वंकूगु खः ।