संवैधानिक परिषदया बैठक स्थगित

न्हूम्ह प्रधानन्यायाधीशया नियुक्ति सिफारिस लगायतया खँय् निर्णय यायेत मंगलवाः च्वनेगु धकाः ग्वसाः ग्वःयात:गु संवैधानिक परिषदया बैठक स्थगित जूगु दु ।

प्रधानमन्त्रीया ज्याकूइ च्वनेगु धाःगु बैठक प्रधानमन्त्रीया कार्यव्यस्तताया कारणं बैठक अनिश्चितकाल तकया निंतिं स्थगित याःगु खः । सोमवाः च्वंगु बैठकया परिषदया दक्वं दुजःत उपस्थित मजूगुलिं बैठक छुं ई च्वनाः मंगलवाः तकया निंतिं स्थगित याःगु खः ।

प्रधानन्यायाधीश केदारप्रसाद गिरीं बैशष २० गते अवकाश प्राप्त याइगुलिं थौं न्हूम्ह न्यायाधीश चयन यायेत बैठक च्वनेत्यंगु खः ।