जग्गा हदबन्दीइ विवाद कायम, मेगू मुँज्या मंसिर १५ गते
संविधानसभाया विवादित विषय ज्यंकेत निस्वंगु उच्चस्तरीय कार्यदलय् दुने जग्गा हदबन्दी सम्बन्धीइ मुद्दाय् थौं नं विवाद जुइवं छुं सहमति जुइमफुत ।
मौलिक हक व राज्यया निर्देशक सिद्धान्त समितिया मस्यौदा अन्तर्गत सम्पितिया हकया विषयलय् जूगु सहलहय् जग्गा हदबन्दी स्वयां अप्व जग्गा सरकारं अधिग्रहण यायेगु इलय् क्षतिपूर्ति बीगु व मबीगु धइगु विषयलय् दलत दथुइ विवाद जूगु खः ।
म्हिग च्वंगु मुँज्याय् थें थौं नं माओवादी व नेमकिपां जग्गा अधिग्रहण यायेगु इलय् मुआब्जा बीम्वाःगु अडान काःगु खःसा कांग्रेस व एमालें धाःसाः मुआब्जा बीमाःगु व मधेशवादी दलं हदबन्दी स्वयां नं कार्यन्वयनया विषयलय् बः ब्यूगु खः ।
विवादया दथुइ उच्चस्तरीय कार्यदलया मुँज्या मंसिर १५ गते तकया निंतिं लिछ्याःगु दु । मंसिर ५ गते निसें माओवादीया विस्तारित मुँज्या जुइत्यंगुलिं कार्यदलया मुँज्याः लिछ्याःगु खः ।
