थनिंनिसें हप्ताय् २९ घण्टा लोडसेडिङ

नेपाल विद्युत प्राधिकरणं थनिंनिसें लोडिसेडिङ अप्वयेकाः हप्ताय् २९ घण्टाया ल्याखं लोडसेडिङ याइगु जूगु । मध्यमर्स्याङदी जलविद्युत परियोजना मर्मत जुयाच्वंगुलिं लोडसेडिङया ई थप यायेमाःगु खँ विद्युत प्राधिकरणं धाःगु दु ।

हप्ताय् १४ घण्टा लोडसेडिङ जुयाच्वंगुलि प्राधिकरणं आः हप्ताय् २९ घण्टा लोडसेडिङया न्हूगु धल पिथंगु दु । आः सुथय्, न्हिनय् व बहनी यानाः न्हि स्वघौ निसें न्याघौ तक लोडसेडिङ जुइसाः छन्हु धाःसा लोडसेडिङ जुइमखु ।