थौं बाराया सार्वजनिक स्कूल बन्द
येँ (सन्ध्या टाइम्स)/प्रहरी दमनया विरोधय् बारा जिल्लाया शिक्षकतय्सं थौं जिल्लान्यंकंया सार्वजनिक स्कूल बन्द यात।
सुरक्षाया माग यानाः म्हिगः जिल्ला प्रशासन ज्याकू घेराउ याःवंगु इलय् प्रहरीं हस्तक्षेप यानाः खुम्हं मल्याक घाःपाः याना बिउगु विरोधय् थौं स्कूल बन्द याःगु खः। शिक्षक युनियन बारां जिल्लाया फुक्क हे सार्वजनिक प्रावि, निमावि, मावि व उच्चमावि बन्दया आह्वान याःगु खः। बन्दयात जिल्लाय् सक्रिय फुक्कं दलनाप स्वापू दुगु शिक्षक संघ, संगठनं समर्थन याःगु दु ।
