मन्त्रीतय्त बजेटया जानकारी
येँ (सन्ध्या टाइम्स)/प्रधानमन्त्री माधव कुमार नेपालं वइगु मंसीर ३ गते कामचलाउ सरकारं हे पूर्ण बजेट हयेगु जानकारी बियादीगु दु। थौं प्रधानमन्त्री निवास वालुवाटारय् च्वंगु मन्त्रिपरिषद्या बैठकय् प्रधानमन्त्री नेपालं सकलें मन्त्रीतय्त थुकिया जानकारी बिसें उकिया लागिं तयारी पूरा जूगु खँ कनादीगु खः ।
वय्कलं बजेट हयेगु नितिं माःगु कथं तयारी जुइधुंकूगु जुयाः थःपिं नं तयारी अवस्थाय् च्वनेत नापं उकिया नितिं माःगु कथंया भूमिका म्हितेत तकं मन्त्रीतय्त निर्देशन बियादीगु खः ।
