प्रधानमन्त्रीयाके २ गते स्पष्टीकरण काइगु
येँ (सन्ध्या टाइम्स)/नेपाल वायु सेवा निगमया विमान खरिद प्रकरणया बारे प्रधानमन्त्री माधवकुमार नेपालयाके स्पष्टीकरण माग याइगु जूगु दु। व्यवस्थापिका संसदया सार्वजनिक लेखा समितिं प्रधानमन्त्रीयात स्पष्टीकरण माग यायेत्यंगु खः। थौं सुथय् च्वंगु सार्वजनिक लेखा समितिया बैठकं वइगु मंसीर २ गते न्हिनय् १ बज स्पष्टीकरणया नितिं प्रमयात सःतेगु धकाः निर्णय याःगु खः ।
अथे हे सर्वोच्च अदालतया निम्ह अस्थाई न्यायाधीश विरुद्ध लाःगु उजुरीया सम्बन्धय् स्पष्टीकरण कायेत व इमिगु अनुभव, रुची व योजनाया बारे स्पष्ट यायेत संसदीय सुनवाई विशेष समितिं कन्हय् सःतूगु दु। थौंया बैठकं कन्हय् १ बजे उजुरीया सम्बन्धय् स्पष्टीकरणया नितिं सःतूगु खः। सर्वोच्चया अस्थायी न्यायधीश गिरिशचन्द्र लाल, सुशिल कार्की विरुद्ध विशष समितिइ उजुरी लाःगु दुसा अवधेशप्रसाद यादव विरुद्ध उजुरी लाःगु मदु। वंगु कार्तिक १७ गते च्वंगु न्यायपरिषदया बैठकं इमित सर्वोच्चया स्थायी न्यायाधीशया निंतिं सिफारिस याःगु खः ।
