पुलांम्ह जुजु भारतपाखे

येँ (सन्ध्या टाइम्स)/पुलांम्ह जुजु ज्ञानेन्द्र शाह थौं भारतपाखे झाःगु दु। भाजु ज्ञानेन्द्र जेट एयरया विमानपाखें भारत झाःगु खः। थः जहान पुलांम्ह लानि कोमल नापं निजी भ्रमणया झ्वलय् छवाः तक अन च्वनीगु इलय् भारतया राजनीतिक दलया उच्च नेतातय्त तकं नापलायेगु नापं समसामयिक विषयय् सहलह ब्याकेगु ज्या याइ धाःगु दु। खास यानाः थुगुसी धार्मिक भ्रमण धकाः थीथी तिर्थ स्थलय् वनेगु नामय् ज्ञानेन्द्र भारतपाखे वंगु खः ।