प्रधानमन्त्री निर्वाचन मंसिर ३ गते

थौंया निंतिं क्वःछिनातःगु १७क्वःगु चरणया प्रधानमन्त्रीया निर्वाचन मंसिर ३ गतेया निंतिं लिछ्याःगु दु । प्रमुख स्वंगू दलया इनापय् थौं च्वंगु कार्यव्यवस्था समितिया मुँज्यां चुनाव मंसिर ३ गते यायेगु निर्णय याःगु खः ।

थ्वहे दथुइ चिधंगु ११गू दलया मुँज्यां प्रधानमन्त्री ल्ययेगु विषयलय् जुयाच्वंगु अन्यौल चीकेत माग याःगु दु । नेकपा (माले)या आव्हानय् थौं च्वंगु मुँज्यां प्रधानमन्त्रीया याकः उम्मेदवार रामचन्द्र पौडेलयात निर्विरोध घोषणा यायेगु वा तटस्थ च्वने मदइगु कथं निर्वाचन याकेमाःगु व्यवस्था यायेत माग याःगु दु ।