राष्ट्रपति व साउदी राजकुमार दथुइ खँल्हाबंला

राष्ट्रपति डा. रामवरण यादव व नेपाः भ्रमणय् दीम्ह साउदी अरबया राजकुमार अल बलिद तलाल दथुइ थौं खँल्हबंला जूगु दु ।

राष्ट्रपति भवन शितल निवासय् जूगु खँल्हबंलाय् निगू देय्या हितया बारे सहलह जूगु खः । उगु इलय् राष्ट्रपति यादवं न्यागू लखं मल्याक नेपाःमित साउदीलय् ज्या यानाच्वंगु धासें इमिसं यानाच्वंगु ज्याया बारे च्यूताः प्वंकादीगु खः ।

अथेहे वय्कलं नेपालय् साउदी अरबया दूतावस चायेकेत साउदी राजकुमारयात इनाप यानादीगु खः । लिसःलय् राजकुमार तलालं थः छेँय् लिहांवनेधुंकाः नेपालय् दूतावास चायेकीगु बारे अनया अधिकारीतनाप खँल्हाबंला यायेगु जानकारी बियादिल ।