संविधानसभा भंग यायेत राप्रपा नेपालया माग

राष्ट्रिय प्रजातन्त्र पार्टी नेपालं संविधानसभा भंग यानाः न्हूगु जनादेशय् वनेमाःगु माग यासें थौं येँय् प्रदर्शन याःगु दु ।

संविधानसभा भवन न्ह्यने ब्यूगु धर्ना व सभाय् राप्रपा नेपालया नायः कमल थापा लगायतं संविधानसभां जनतायात मान्य संविधान बीमफइगु धासें आः न्हूगु जनादेशय् वनेमाःगु बिचाः प्वंकूगु खः ।

देय् अनिर्णयया बन्दी जुयाच्वंगु इलय् नं दलतय्सं निकास बीमफुगुलिं थःपिंसं दबावमुलक ज्याझ्वः न्ह्याकाःगु नं इमिसं धाःगु दु । राप्रपा नेपालया प्रदर्शनया हुनिं थौं येँया थीथी लागाय् स्वघौ तक सवारी आवागमन प्रभावित जूगु खः ।