साउदी राजकुमारयात महाउज्जवल राष्ट्रदीप मानपदवी

स्वन्हुयंकया नेपाः भ्रमणय् दीम्ह साउदी अरबया राजकुमार अल वालिद विन तलालयात सरकारं महाउज्जवल राष्ट्रदीप मानपदवी पाखें सम्मान यायेगु घोषण याःगु दु ।

प्रधानमन्त्री निवास बालुवाटारय् सोमवाः च्वंगु मन्त्रीपरिषदया मुँज्यां उगु घोषणा यासें मानपदवीया निंतिं राष्ट्रपति डा. रामवरण यादव समक्ष सिफारिस याःगु दु । वय्कयात थौं हे उगु पद पाखें सम्मान याइगु ज्याझ्वः दु ।

अथेहे मुँज्यां राहादानी नियमावली २०६७ पारित याःगु दु । थ्व नियमावली पारित जुइवं सरकारयात मेसिन रिडेवल पासपोर्ट लागू यायेगु कानुनी लँपू चाःगु दु । अथेहे शिक्षा नियमावली २०६७यात संशोधन यायेगु सैद्धान्तिक सहमति नं याःगु दु ।

मुँज्यां मेगू वालय् रसियाय् जुइगु विश्व बाघ सम्मेलनय् प्रधानमन्त्री माधवकुमार नेपालया नेतृत्वय् छगू पुचलं ब्वति कायेगु निर्णय याःगु दु ।