अनुसन्धान याईपिन्त सिरपाः
नेपालभाषा साहित्य भाषा व संस्कृति ख्यलय् अनुसन्धानया ज्याय् हःपाः बीगु ताः तयाः 'सत्यहेरा अनुसन्धान सिरपाः' नीस्वंगु दु । मदुपिं अबु सत्यमान सिंह व मां हेरामाया डंगोलया लुमन्तिइ भिंद्यःलाछि यल- ११ या मय्जु उजेली डंगोलं सिरपाःया निंतिं स्वंगू लाख तकाया अक्षयकोष तसें थ्व सिरपाः स्वनादीगु खः।
सिरपाः सुथांलाक्क न्ह्याकेत नेपालभाषा केन्द्रीय विभागया नायः प्रेमशान्ति तुलाधरया अध्यक्षताय् छगू समिति नं स्वंगु दु । उकी दाताया प्रतिनिधि कथं हिराकाजी महर्जन, दांभरि जुजुमान महर्जन छ्याँजे व दुजः कथं प्रा. डा. सुन्दरकृष्ण जोशी व उपप्राध्यापक तुलसीलाल सिंह च्वनादीगु दु ।
नेपालभाषा बारे अनुसन्धान याईपं नापं नेपालभाषा कयाः स्नातकोत्तर यानाच्वंपिं ब्वँमितय्त अनुसन्धान याकेत हःपाः बीकथं थुगु सिरपाः बीगु जुइ । दँय्दसं निम्हेसित झिद्वः झिद्वः तकाया सिरपाः बी । नापं अनुसन्धान यानातःगु ग्यसुग्यंगु शोधग्रन्थ सफूया रुपय् पिकायेगु िनंितं नं ग्वाहालि याइगु खँ धाःगु दु ।
