विशेषाधिकार छ्यलीगु अधिकार मदु : नेम्वाङ

सभामुख सुभाषचन्द्र नेम्वाङं संसदीय नियम कथं न्ह्यावनेगु बाहेक थः नाप विशेषाधिकार छ्यलीगु अधिकार मदुग खँ धयादीगु दु ।

प्रधानमन्त्री निर्वाचनया बारे सर्वोच्च अदालतं न्यंकूगु फैसालाया बारे कानुनविद्तय्सं हे बिस्कं बिस्कं बिचाः प्वंकाः च्वंगु इलय् सभामुख नेम्वाङं पत्रकारतनाप खँल्हबंला यानादिसें व्यवस्थापिका संसदया नियमावली व कानुन विपरीत थःम्हं छुं नं कथंया पला ल्ह्वनेमफइगु धयादिल ।

सिंहदरवार स्थित थःगु हे कार्यकक्षय् थौं पत्रकारतनाप खँल्हबंला यानादिसें वय्कलं थःम्हं संसदय् न्ह्याःगु प्रस्ताव हःसां दलत दथुइ सहमति मजुइकं उकीया छुं अर्थ मदइगु धयादिल । वय्कलं संविधान व नियमावली पाखें राजनीतिक निकास मालेगु विकल्प मदुगु नं स्पष्ट यानादिल ।