दलतय्गु सहमतिपाखें जक समस्या ज्यनी : राष्ट्रपति डा. यादव

राष्ट्रपति डा. रामवरण यादवं राजनीतिक दलतय्गु सहमतिपाखें जक समस्या ज्यनीगु खँ धयादिल ।

थौं येँय् मधुमेह दिवसया झ्वलय् ग्वसाः ग्वःगु छगू ज्याझ्वलय् न्ववानादिसें राष्ट्रपति यादवं राजनीतिक दलया सहमति मदयेकं छुं नं मजुइगु खँ धयादिल । नापं राजनीतिक दलत छप्पँ जुयाः शान्ति व संविधान च्वयेगु प्रकृया न्ह्यःने यंकेत नं इनाप यानादिल ।

ज्याझ्वःया झ्वलय् वय्कलं स्वास्थ्य सेवा गरीबतय्गु पहुँचपाखे तापाना वंगुलिं सरोकारवालातय्त स्वास्थ्य सेवा गां गामय् तक थ्यंकेत नं इनाप यानादिल ।

सन् १९९१ निसें थौंया दिन अर्थात नोभेम्बर १४ तारिखयात विश्वयंकं मधुमेह दिवस कथं हना वयाच्वंगु दु ।