प्रधानमन्त्री नेपाल कन्हय्या मुँज्यापाखें आशावादी

प्रधानमन्त्री माधवकुमार नेपालं दलत सत्ता केन्द्रीत जूगुलिं देशय् दयाच्वंगु समस्या ज्यंके मफूगु खँ धयादिल ।

थौं ताप्लेजुङय् ग्वसाः ग्वःगु छगू ज्याझ्वलय् न्ववानादिसें प्रधानमन्त्री नेपालं हात्तिबनय् जूगु न्हापांगु चरणया वार्ताय् दलत सत्ता केन्द्रीत जूगुलिं सहमति जुइमफूगु खँ धयादिल । वय्कलं गोकर्ण रिसोर्टय् जूगु निगूगु चरणया वार्ता शान्ति व सम्विधानय् केन्द्रीत जूगुलिं कन्हय् जुइगु शीर्ष नेतातय्गु मुँज्या निष्कर्षय् थ्यनीगु खँय् थः आशावादी जूगु खँ नं धयादिल ।