मां अबुं निम्ह म्ह्याय् स्यानाबिल
येँ (सन्ध्या टाइम्स)/मां अबु जानाः थः हे मस्तय्त स्याइ धकाः मनूतय्सं कल्पना तकं मयायेफु। तर थौं सुथय् बाराया सिंहासनी गाविसय् मां अबु जानाः थःपिनि निम्ह म्ह्याय्पिंत स्याना बिउगु दु ।
सिंहासनी गाविस वडा नं. १ बैरिया लागाय् खुसी चौधरी व विन्दु चौधरीं थःपिनि म्ह्याय्पिं ११ दँया रमिया चौधरी व ८ दँया कृति चौधरीयात पां पालाः स्याना बिउगु खँ प्रहरीं धाःगु दु। मस्त स्याःम्ह विन्दु उमि चिरमां खः धाःगु दु ।
अथे थःहे मस्तय्त स्याना बिउगु घटनायात कयाः अनया प्रहरीं थौं सुथय् मां व अबु निम्हेसितं ज्वनेधुंकूगु दु। थः हे मस्तय्त स्याना बिउगु घटनाया कारण धाःसा सीके मफुनिसा उकियात कयाः प्रहरीं अनुसन्धान यानाच्वंगु दु ।
