जागरण मञ्चया भिंतुना तुच्चा
येँ (सन्ध्या टाइम्स)/नेसं ११३१ न्हूदँया लसताय् नेवाः जागरण मञ्चं क्षेत्रपाटी पार्टी प्यालेसय् नेपालभाषा ख्यःया हनेबहःपिं व्यक्तित्व, राजनीतिक पार्टीया नेवाः सभासद्, कानून व्यवसायी, पाइलट, कलाकार, कर्मचारी मुनाः भिंतुना तुच्चा ज्याझ्वः यात। नेवाः जागरण मञ्चया संयोजक सुजीव बज्राचार्यया सभापतित्वय् जूगु ज्याझ्वलय् जनकवि दुर्गालाल श्रेष्ठं न्हूदँया भिंतुना कविता वाचन यानादीगु खःसा न्हूदँ समारोह समितिया नायः विपेन्द्र महर्जन, माओवादी सभासद् हितमान शाक्य, नेकां सभासद् तीर्थराम डंगोल, राजेन्द्र श्रेष्ठ, नेपाः पार्टीया नायः डा. केशवमान शाक्यलिसें ख्यालिजुजु मदनकृष्ण श्रेष्ठपिसं न्ववानादीगु खः ।
नेवाः स्वायत्त राज्य मंकाः संघर्ष समितिया सचिवालय कजि मल्ल के. सुन्दरलिसें झिगू घटकया नायःत नं पाहांकथं झाःगु खः ।
