येँ-टिष्टुंग मोटरसाइकल र्याली
येँ (सन्ध्या टाइम्स)/एमाले समर्थित लोकतान्त्रिक नेवाः संघया नेवाः प्रदेश कमिटीं न्हूदँ ११३१ या लसताय् थ्वहे वइगु दशमि कुन्हु शंखधर दिवसय् येँनं टिष्टुङ्ग-पालुङ्ग लागाय् मोटरसाइकल र्याली याइगु जूगु दु। नेवाः लागाया सीमा चाःहिलेगु ल्याखं र्याली अन वनेत्यंगु खः। येँय् एमाले अध्यक्ष झलनाथ खनालं विदाई बिसें शुरु याइगु उगु र्यालीयात टिष्टुङ्गय् एमाले वरिष्ठ नेता खड्ग ओलीं लसकुस याइगु ग्वसाः दु ।
थ्वहे झ्वलय् स्वंगू दलया गोप्य वार्ता बारे जानकारी बिसें मेगु वार्ताय् छु खँ तयेगु धकाः तयारी यायेत थौं एमाले स्थायी समितिया बैठक च्वनेत्यंगु दु। बैठकय् अध्यक्षात्मक प्रणाली बारे खँ जुइ ।
