थारु आन्दोलनय् प्रहरीयात छुरा
संयुक्त थरुहट संघर्ष समितिया कार्यकर्तातय्सं उदयपुरय् छम्ह प्रहरी निरीक्षक व छम्ह प्रहरी जवानयात छुरां सुयाः घाःपाः याना बिउगु दु । थौं सुथय् उदयपुर बन्द याकः वयाच्वंिपं संयुक्त संघर्ष समितिया थारु कार्यकर्ता व प्रहरी दथुइ ल्वापु जुइवं प्रदर्शनकारी थारु कार्यकर्तातय्सं प्रहरी निरीक्षक तीर्थ गौतम व छम्ह प्रहरी जवानयात छुरां सुयाः घाःपाः याना बिउगु खः ।
घाःपाः जूपिं निम्हंप्रहरीयात स्थानीय अस्पतालय् वासः याकातःगु दु । संयुक्त संघर्ष समितिया कार्यकर्ता व प्रहरी दथुइ ल्वापु जुइवं म्हिगः बहनी स्थानीय प्रशासनं उदयपुरय् कफ्र्यु तःगु खःसा थौं सुथय् कफ्र्यु चीकेवं थ्व ल्वापु जूगु खः ।
अथे हे वंगु खुन्हु न्ह्यवंनिसें संयुक्त संघर्ष समितिं यानाच्वंगु आन्दोलनया कारणं तराई लागाय् थीथी जिल्लाया जनजीवन कष्टकर जुजुं वनाच्वंगु दु ।
थारु संघर्ष समितिया बन्दया कारणं तराईया थीथी जिल्ला लगायत स्वनिगलय् नापं पेट्रोलियम पदार्थ व खाद्यान्नया अभाव शुरु जूगु दु ।
तराई बन्दं यानाः तराईपाखें येँय् हयेमाःगु तरकारी मथ्यनाः उकिया भाः थहां वनेगु शुरु जूगु दु । लिसें बन्दया कारणं पेट्रोलियम पदार्थ हये मफयाः स्वनिगलय् पेट्रोलया नं हाहाकार शुरु जूगु दु ।
