बिचाःया आधारय् दलयात प्रतिबन्ध मतइगु
न्हूगु नेपाःया संविधानय् बिचाःया आधारय् सुयात नं दल चायेकेत प्रतिबन्ध मतइगु जूगु दु ।
संविधानसभाय् खनेदुगु विवादित विषयत ज्यंकेत निस्वंगु उच्चस्तरीय राजनीतिक संयन्त्रया आइतवाः च्वंगु मुँज्यां ल्वाभःया आडय् देय्यात प्रतिकुल लिच्वः लाकीगु गतिविधि यायेगु बाहेक न्ह्याःगु नं बिचाः तइपिंसं नं दल च्याके दइगु अधिकारय् सहमति प्वंकूगु खः ।
थौंया मुँज्यां संविधानसभाया मौलिक हक सम्बन्धी समितिया मस्यौदाय् सहलह यासें बिचाःया आधारय् छुं नं पार्टीया प्रतिवन्ध मतयेगु अधिकार न्हूगु संविधानय् प्रत्याभूत यायेगु सहमति याःगु खः । थ्वस्वयां न्ह्यः माओवादी व एमालें थीथी बिचाःया आधारय् चायेकीगु पार्टीयात प्रतिबन्ध तयेमाःगु अडान काःगु खः । थौं धाःसा निगूलिं पार्टीं थःथःगु अडान त्वःतुगु खः ।
अथेहे थौं भूमि सुधार व सम्पत्तिया हकबन्धीया बारे नं सहलह याःसां छुं सहमति मयाः ।
