संविधानसभाय् प्रतिनीधित्व यानाच्वंगु गुंगू दलया मुँज्या

संविधानसभाय् प्रतिनीधित्व यानाच्वंगु गुंगू दलया थौं च्वंगु मुँज्यां माओवादी जनमुक्ति सेनाया क्याम्पय् भारतीय माओवादीयात तालिम बिउगु धइगु विषयस छानबीन जुइमाःगु खँ धाःगु दु ।

उगु मुँज्याय् ततःधंगु स्वंगू दलं गोप्य मुँज्या यानाः थःपिन्त वेवास्ता यानाः हैकमवादी चरित्र क्यंगु धाःसे आपत्ति प्वंकूगु दु । नापं चिचीधंगु दलयात गोप्य मुँज्याय् जूगु सहमतिया विषयत जानकारी बीमाःगु खँ धाःगु दु ।

अथेहे मुँज्याय् सहमति कायम यानाः याकनं स्वयां याकनं हयेगु लागि बः बीगु नं क्वःजिउगु नेकपा मालेया मू छ्यांजे चन्द्रप्रकाश मैनाली जानकारी बियादीगु दु ।

मुँज्या सिंहदरवारय् च्वंगु संसद सचिवालय् जूगु खः ।