प्रधानमन्त्रीया उम्मेदवारी लित मकाइगु : उप-प्रधानमन्त्री कोइराला

उप-प्रधान नापं परराष्ट्र मन्त्री सुजाता कोइरालां प्याकेजय् सहमति मजूतले नेपाली कांग्रेसं प्रधानमन्त्रीया उम्मेदवारी लित मकाइगु खँ धयादीगु दु ।

नेपालगंजय् थौं ग्वसाः ग्वःगु छगू ज्याझ्वलय् न्ववानादिसें मन्त्री कोइरालां कांग्रेसं सहमतिया लागि उम्मेदवारी बिउगु नं स्पष्ट यानादिल । वय्कलं न्ह्यानाच्वंगु पंगः चीका छ्वयेगु लागि मू मू स्वंगू दल दथुइ गम्भिर सहलह जुयाच्वंगु नं धयादिल । नापं नेपाःया माओवादीं भारतया माओवादीयात तालिम बिउगु विषयस छानबीन जुयाच्वंगु जानकारी नं बियादिल । वय्कलं दयाच्वंगु पंगः चीका छ्वयेगु लागि स्वंगू दल दथुइ सहमति यायेगुया विकल्प मदुगु नं दाबी यानादिल ।