मंसीरया न्हापांगु वालय् बजेट हयेगु सरकारया तयारी

प्रधानमन्त्री माधव कुमार नेपालं पूर्ण बजेट हयेगु खँय् थौं अर्थमन्त्री कानूनमन्त्री अर्थसचिव व कानून व्यवसायीतलिसे सहलह यानादीगु दु ।

प्रधानमन्त्री निवास बालुवाटारय् जूगु उगु सहलहस प्रधानमन्त्री नेपालं थःम्हेस्यां मंसीरया न्हापांगु बजेट हयेगु तयारी यानाच्वनागु जानकारी बियादिसें बजेट हयेगु लागि कानूनी कथं वने जिउ वा मजिउ धइगु खँय् सहलह ब्याकादीगु खः । सहलहस ब्वतिकयादीिपं कानूनी ब्यवसायीतय्सं नीति तथा ज्याझ्वः मदुसां बजेट हयेजिउगु सुझाव बिउगु खः ।

सहलहलिपा अर्थ सचिव रामेश्वर खनालं प्रधानमन्त्री नेपालं मंसीर ३ गते बजेट हयेगु लागि तयारी यायेत उजं बियादीगु जानकारी बियादिल ।

उगु सहलहस कानूनी व्यवसायीत अग्नी खरेल टीकाराम भट्टराई हरिकृष्ण कार्की आदिपिन्सं ब्वति कयादीगु खः ।