अज्ञात पुचलं वीरगंजय् बम विष्फोट
गोली प्रहारं स्वम्ह घाःपाः
अज्ञात पुचलं सोमवाः न्हिनय् निता ईलय् वीरगंजया आदर्शनगरय् बम बिष्फोट याना: गोली चलेयावलय् स्वम्ह मनूत घाःपाः जूगु दु ।
प्रत्याक्षदर्शीतय् कथं मोटर साइकलय् वपिं निम्ह अज्ञात मनूतय्सं आदर्शनगरया मू सतकय् च्वंगु पमपम विल्डीङया कृष्ण प्रोडक्टस् नांया पसलय् बम बिष्फोट यानाः बीस्यू वनेगु झ्वलय् गोली चलेयाःगु खः ।
गोलीं लानाः उगु कस्मेटिक पसःया संचालम श्रवढा अग्रवाल व अशविनी अग्रवाल नापं डिवि बोहरा नांया सुरक्षा गार्ड घाःपाः जूगु दु । घाःपाः जूपिंत उपचारया निंतिं नारायणी अस्पतालया आकस्मिक कक्षय् भर्ना याःगु दु ।
पर्सार प्रहरी उपरीक्षक सुबोध घिमिरेया कथं घटनाया स्वयेवलय् ओम शान्ति ओभरसिजयात लक्षित यानाः उगु बम बिष्फोट याःगु जुइफुगु खँ धाःगु दु । अपराधीतय्सं बीस्यूवनेगु झ्वलय् पप्पु शर्मा जिन्दावाद धयाःवंगु खँ उपरीक्षक घिमिरें धयादिल । शर्मा भारतीय अपराधी खः ।
