कन्हय् तकया दुने प्रधानसेनापतिया प्रकरण क्वचाइ : प्रधानमन्त्री

प्रधानमन्त्री पुष्पकमल दाहाल प्रचण्डं प्रधानसेनापसतिया विवाद प्रकरण दलत दथुइया सहमतिया आधारय् कन्हय् तकया दुने क्वचायेकेगु खँ धयादीगु दु ।

सिन्धुली सदरमुकामय् सोमवाः जूगु छगू ज्याझ्वलय न्ववासें वयेकलं प्रधानसेनापतिया खँय् देय्या हे ध्यानाकर्षण जूगु धासें थुकीयात अझ अप्व ताःमहाकेगु धयादिल । वयेकलं धयादिल - 'प्रमुख राजनीतिक दलतय् हे सहमतिया आधारय् कन्हय् तक थकीयात क्वचायेकेगु जुइ । सहमति पिने सुं नं मदु ।' तर प्रधानमन्त्री प्रचण्डं विवाद प्रकरण यात छु कथं क्वचायेकीगु बारे विस्तृत जानकारी बियामदी ।