माओवादीया नियत ठीक मजू : नेपाल

नेकपा एमालेया वरिष्ठ नेता माधवकुमार नेपालं प्रधानसेनापति रुक्माङ्ग कटवालयात कारवाही यायेगु खँय् माओवादी नियत प्रष्ट मजूगु खँ धयादीगु दु ।

सोमवाः यलय् जूगु छगू ज्याझ्व लिपा पत्रकारत नाप खँल्हासें नेता नेपालं माओवादी नियत प्रष्ट मजूगुलिं सेनापतिया कारवाही प्रकरण तःहाक जूगु धासें थुकीं यानाः हे कारवाही प्रकृयाय् सहमति जुइ मफूगु धयादिल । वयेकलं सेनापतिया कारवाही हथाय्सं यायेत्यंगु द्वपं बियादिल ।

एमाले नेता नेपालं माओवादीं सत्ता कब्जा यायेगु नियतं प्रधानसेनापति कटवालयात स्पष्टिकरण काःगु धयादिल । थःगु हे पार्टी सरकारय् दुसां नं माओवादीं सत्ता कब्जाया कुतः स्वरुप स्पष्टिकरण काःगु द्वपं वयेकलं बियादिल ।