'बजेट विहिनताया अवस्थाय् टुलुटुलु स्वया: च्वनेमखु'
प्रधानमन्त्री माधवकुमार नेपालं देय्यात बजेट बिहीन दयेकाः थःम्हं अज्याःगु दृष्य टुलुटुलु स्वया मच्वनिगु खँ धयादीगु दु । गणेशमान सिंहया गुइन्याक्वःगु बुदिंया लसताय् गणेशमान सिंह अध्यन प्रतिष्ठानं थौं याःगु ज्याझवःलय् प्रधानमन्त्री नेपालं तुरन्त न्हूगु सरकार गठन जुइगु सम्भावना मदुगुलिं थ्वहे सरकारं कार्तिक मसान्त तक बजेट हयेगु धयादिल ।
वय्कलं फुकसिनं याकन बजेट हयेत ब्यूगु सुझावयात ध्यानय् तयाः सरकारं बजेटयात प्राथमिकताय् तःगु धयादिल । वय्कलं स्वंगू दलत दथुइ जूगु वार्ताय् शान्ति प्रक्रिया व बजेट प्रमुख प्राथमिकताय् तयेगु धयादिल ।
उगु हे ज्याझ्वलय् नेपाली कांग्रेसया सभापति सुशील कोइरालां माओवादीया लिपांगु प्रस्ताव प्रति लक्षित यासें पुलांगु सम्झौतायात पालना मयातले कांग्रेसं छु न न्हूगु सम्झौता मयायेगु धयादिल ।
