कांग्रेसं उम्मेदवारी लितकायेमाः : गौतम

नेकपा (एमाले)या न्वकू वामदेव गौतमं कांग्रेसं प्रधानामन्त्रीया उम्मेदवारी लितकायेमाःगु धयादीगु दु । वय्कलं कांग्रेसं उम्मेदवारी लितमकायेकं न्ह्यक्वः गोप्य वार्ता याःसां सफल मजुइगु धयादिल ।

एमालेया भातृ संगठन अखिल नेपाल किसान महासंघं थौं येँय् याःगु छगू ज्याझ्वलय् वय्कलं कांग्रेसं थःगु हे नेतृत्वय् सरकार गठन यायेमाःगु अडान कयाच्वंगुलिं नं समस्याया समाधान माले मफुगु धयादिल ।

वय्कलं आःया संविधान संशोधन यानाः सहमतिय आधारय् न्हूगु सरकार गठन यायेमाःगु धयादिसें अज्याःगु सहमति पाखें रामचन्द्र पौडेल नं प्रधानमन्त्री जुइफइगु प्रतिक्रिया बियादिल ।