कांग्रेस व एमालेया शीर्ष नेतात दथुइ खँल्हबंला

नेपाली कांग्रेस व नेकपा (एमाले)या शीर्ष नेतात दथुइ थौं समसामायिक विषयलय् खँल्हाबंला जूगु दु ।

स्वंगू दलया शीर्ष नेतात दथुइ मेगू चरणया वार्ता जुइ छन्हु न्ह्यः कांग्रेस सभापति सुशील कोइराला व एमाले नायः झलनाथ खनाल दथुइ वार्ता जूगु खः । वय्कपिं दथुइ कन्हय् जुइगु स्वंगू दलया वार्तायात सार्थक दयेकेगु बारे सहलह जूगु खः ।

उगु इलय् निगूलिं दलया निगूगु तहया नेतातय् नं ब्वति दुगु खः । थ्वस्वयां न्ह्यः कांग्रेस सभापति कोइरालां राष्ट्रिय प्रजातन्त्र पार्टीया नायः पशुपति शमशेर जबरानाप राजनीतिक गतिरोध लगायत शान्ति व संविधानया बारे खँल्हाबंला यानादीगु खः ।