प्रधानमन्त्री चुनावया औचित्य मदु : ठाकुर

तराई मधेश लोकतान्त्रिक पार्टीया नायः महन्थ ठाकुरं परिणमविहीन जुयाच्वंगु प्रधानमन्त्रीया चुनावया छुं औचित्य मदुगु खँ धयादीगु दु ।

रिपोटर्स क्लब पर्सां थौं याःगु पत्रकार सम्मेलनय् नायः ठाकुरं निर्वाचनं प्रधानमन्त्री ल्यइगु सम्भावना मदुगु धासें सहमति पाखें न्हूगु सरकार गठन यायेमाःगु धयादिल । वय्कलं संसदय् प्रमुख स्वंगू दलनापं सुयागु नं स्पष्ट बहमुत मवगुलिं सहमतिया यानाः वनेगुया विकल्प मदुगु धयादिल ।

स्वंगू दलया सत्तामोहया कारणं हे शान्ति प्रकृया व संविधान च्वययेगु ज्या लिबानाच्वंगु द्वपं नं वय्कलं बियादिल । वय्कलं पुलांगु सम्झौता कार्यान्वयन जुइधुंकाः जक शान्ति व संविधानया ज्या पूवनीगु धयादिल ।