गोप्य वार्ता निष्कर्षविहीन

प्रमुख स्वंगू दलया शीर्ष नेतातय् गोप्य वार्ता निष्कर्षविहीन जूगु दु । राजनीतिक निकास मालेत म्हिग सुथय् निसें येँया फम्पिइ च्वंगु हात्तिवन रिसोर्टय् जूगु वार्ताय् नं छुं सहमति जुइमफुत ।

वार्ताया बारे जानकारी बियादिसें गृहमन्त्री भीम रावलं वार्ता सकारात्मक जूगु व आः स्वन्ति लिपा हानं शीर्ष दलतय् मुँज्या च्वनीगु धयादिल । वार्ता लिपा स्वंगू दलया मंकाः विज्ञप्तिइ नं गृहमन्त्री रावलं संचारकःमितय् इनाब्यूगु खः ।

विज्ञप्तिइ स्वंगू दलया शीर्ष नेतातय् मुँज्या हानं कात्तिक २४ गते च्वनीगु व उगु मुँज्याय् नं शान्ति प्रकृया, संविधान निर्माण, पुलांगु सहमति कार्यान्वन, बजेट लगायतया विषयलय् खँल्हाबंला जुइगु खँ न्ह्यथनातःगु दु ।