हात्तिवनय् प्रमुख दलत दथुइ गोप्य वार्ता
राजनीतिक गतिरोध क्वचायेकेगु निंतिं प्रमुख स्वंगू दलया शीर्ष नेतात येँया फम्पिइ च्वंगु हात्तिवन रिसोर्टय् च्वनाः गोप्य वार्ता यानाच्वंगु दु ।
लुक्लाय् याइगु धाःगु गोप्य वार्ता लिपांगु इलय् वयाः हात्तिवन रिसोर्टय् यायेगु क्वःछिउगु खः । उगु गोप्य वार्ताय् शान्ति प्रकृया, संविधान निर्माण, राजनीतिक गतिरोध, सरकार निर्माण, बजेट नापं संवैधानिक निकायलय् प्रमुखत नियुक्ति यायेगु बारे सहलह जुइगु खँ धाःगु दु ।
वार्ताय् माओवादी पाखें नायः पुष्पकमल दाहाल 'प्रचण्ड', न्वकूत मोहन वैद्य 'किरण' व डा. बाबुराम भट्टराई, मू छ्याञ्जे रामबहादुर थापा 'बादल' व विदेश विभाग प्रमखु कृष्णबहादुर महराया ब्वति दु ।
कांग्रेस पाखें सभापति सुशील कोइराला, वरिष्ठ नेता शेरबहादुर देउवा, संसदीय दलया नेता रामचन्द्र पौडेल, केन्द्रीय दुजःत डा. रामशरण महत व कृष्णप्रसाद सिटौलां ब्वति कयाच्वंगु दुसाः एमाले पाखें नायः झलनाथ खनाल, मू छ्याञ्जे ईश्वर पोखरेल, वरिष्ठ नेता केपी शर्मा ओली व नेता भरतमोहन अधिकारीपिनि ब्वति दु ।
गोप्य वार्ताय् नेतातय्सं थः निजी सचिव तकं मयंकूगु खँ सीदुगु दुसाः पत्रकारतय्त वार्ता स्थलय् दुहांवने ब्यूगु मदु ।
