स्विस सभामुख व प्रचण्ड दथुइ खँल्हाबंला

नेपाः भ्रमणय् दीम्ह स्विट्जरल्याण्डया सभामुख पास्कल ब्रुडररं शुक्रवाः एनेकपा (माओवादी)या नायः पुष्पककमल दाहाल 'प्रचण्ड' नाप खँल्हाबंला यानादीगु दु ।

खँल्हाबंलाया झ्वलय् स्विस सभामुख पास्कलं शान्ति प्रकृया, संविधान निर्माण व सेना समायोजनया बारे च्यूता प्वंकादीगु खः । अथेहे वय्कलं दलत दथुइया अविश्वासया हुनिं राजनीतिक गतिरोध जुयाच्वंगु बारे नं च्यूता प्वंकादीगु दु ।

उगु इलय् प्रचण्डं दलत दथुइ जुयाच्वंगु सहलह सकारात्मक जुयाच्वंगु धासें राजनीतिक गतिरोध याकन हे क्वचाइगु विश्वास प्वंकादिल ।