शीर्ष नेतात सोलुपाखे
येँ (सन्ध्या टाइम्स)/राजनीतिक गतिरोध अन्त्यया निंतिं एकीकृत माओवादी, नेपाली कांग्रेस व एमालेया शीर्ष नेतात कन्हसंनिसें निन्हु तक गोप्य मुँज्या च्वनेत सोलुखुम्बु वनीगु जूगु दु ।
थाय् मिले यायेगु भाला कयादीम्ह गृहमन्त्री भीम रावलं सोलुखुम्बुया छगू होटल निन्हुया नितिं बुक यानादीगु खँ सीदुगु दु। न्हूगु सरकार गठन, संवैधानिक निकायया नियुक्ति, बजेट, शान्ति प्रक्रिया पूवंकेगु, संविधान निर्माण यायेगु नापं प्याकेजय् हे सहमति यायेगु निंतिं नेतातय् दथुइ गोप्य मुँज्या च्वनेगु धकाः म्हिगः हे सहमति जूगु खः ।
उगु मुँज्याय् माओवादीया अध्यक्ष प्रचण्ड, नेपाली कांग्रेस संसदीय दलया नेता रामचन्द्र पौडेल, एमालेया अध्यक्ष झलनाथ खनाल नापं स्वंगू हे दलया मेमेपिं छुं नेतात नं दुथ्याइगु खँ सूत्रं धाःगु दु ।
