न्हूदँया लसताय् मंकाः सुकुन्दा र्याली
येँ (सन्ध्या टाइम्स)/थुगुसी न्हूदँया लसताय् मंकाः कथं सुकुन्दा र्याली पिकाइग जूगु दु। ग्वंगःबुँ न्हूगु बसपार्कं न्ह्याकीगु उगु र्याली मनोहर स्कूल, सामाखुसी, ग्वंगःबुँ (गणतन्त्र चोक), म्हय्पि जुजुं न्हू बसपार्कय् वयाः क्वचाइगु ज्याझ्वः दु। ग्वंगःबुँ नेवाः पुचःया सचिव राकेश सिंहयाकथं र्यालीइ ग्वंगःबुँ नेवाः पुचः, नेवाः राष्ट्रिय मुक्ति मोर्चा (ग्वंगःबुँ), नेकपा एमाले, नेपाली काँग्रेस, ग्वंगःबुँ नासः खलः, नेवाः देय् गुथि नेपाल मण्डललिसें मेमेगु खलः पुचः नं सहभागी जुइ ।
अथे हे न्हूदँ ११३१ या लसताय् न्हूदँ कुन्हु हे ग्वंगःबुँ नेवाः पुचःया ग्वसालय् भिंतुना सांस्कृतिक र्याली पिकाइगु जूगु दु। उगु र्याली ग्वसाः खलःया संस्थापक लक्ष्मीनारायण महर्जनया नेतृत्वय् न्ह्याइगु खः ।
