देय्यात विदेशी हस्तक्षेपं मुक्त यायेमाः : प्रचण्ड
एनेकपा (माओवादी)या नायः पुष्पकमल दाहाल 'प्रचण्डं' देय्यात विदेशी हस्तक्षेपं मुक्त याःसा जक नेपाःमितय्सं हे प्रधानमन्त्री ल्ययेफइगु खँ धयादीगु दु ।
स्वन्ति व न्हूदँ ११३१या लसताय् माओवादी क्षेत्रीय कमिटी नं ८ पाखें च्यासलय् याःगु तुच्चा ज्याझ्वलय् नायः प्रचण्डं विदेशी हस्तक्षेपया हुनिं प्रधानमन्त्री ल्ययेमफुगु धयादिल । वय्कलं विदेशी हस्तक्षेप पाखें मुक्त यायेत राष्ट्रिय स्वधिनतया निंतिं पलाः ल्ह्वनेत आवश्यक जूगु धयादिल । वय्कलं थुकी फुक्कं नेपाःमित छप्पँ जुइत नं इनाप यानादिल ।
नायः प्रचण्डं यदि विदेशी हस्तक्षेप निरन्तर जुयाच्वनीगु खःसा इलय् हे संविधान निर्माण जुसां व नेपाली जनतां माग या: कथं जुइमफइगु धयादिल । ज्याझ्वलय् वय्कलं जनतां याःगु तःधंगु बलिदानयात संस्थागत जुइकेमबीत तःधंगु षड्यन्त्र जुयाच्वंगु दावी नं यानादीगु खः ।
