संघीयताय् नेवाःतय् विकास

गुगुं इलय् झिम्ह सचिवत मुन धाःसा च्याम्ह नेवाः दइगुली आः छम्ह हे लुइके थाकुइ धुंकूगु खँ अर्थविद् डा. रविन्द्रकुमार शाक्यं कनादीगु दु । वंगु शुक्रवाः नेपाः राष्ट्रिय पार्टीया ग्वसालय् जूगु 'लोकतान्त्रिक संघीय गणतन्त्र नेपाः व नेवाःतय्गु आर्थिक विकास' विषयक गोष्ठीइ न्ववासें वय्कलं थ्व खँ धयादीगु खः । ज्याझ्वलय् मेमेपिं नं विज्ञतय्सं नेवाःतय् आर्थिक विकासया बारे न्ववानादीगु खः ।

पूवंक बुखँ -
'बुँ मियाः नेवाःतय्सं गल्ती यात'
'नेवाःतय्के प्रशस्त मानवीय श्रोत दु । डाक्टर इन्जिनीयरय् नेवाःतय् ल्याः अप्वः दु नेवाःतय्के प्रविधि दु शिल्प ज्ञान नं यक्व दु । नेवाःतय्के दकलय् मदयाच्वंगु धइगु वैचारिक एकता खः । थ्व नं दत धाःसा नेवाःतय्सं विकास याये फइ ।'
लोकतान्त्रिक संघीय गणतन्त्र नेपाः व नेवाःतय्गु आर्थिक विकास धइगु विषयय् नेपाः राष्ट्रिय पार्टीपाखें शुक्रवाः याःगु ज्याझ्वलय् न्ववासें अर्थविद् डा. रविन्द्रकुमार शाक्यं धयादीगु खँ खः थ्व । ज्याझ्वलय् न्ववासें डा। शाक्यं न्हापा लजगाः व्यापार व्यवसाय फुक्क थासय् च्वजानाच्वंपिं नेवाःत आः फुक्कं थासय् म्हो जुयाच्वन धासें थौंकन्हय् झन् नेवाःतय्सं थःगु बुँ नं धमाधम मीगु याना हयाच्वंगुलिं थ्व झन् तःधंगु हानी खः धयादिल ।

ज्याझ्वलय् न्ववासें डा. तुल्सीनारायण श्रेष्ठं ब्रम्हूत विभेदीकरणया पक्षपाती खः उकिं हे उमिसं संघीय व्यवस्थां देय् कुचाथली धकाः भ्रम न्यंकाच्वंगु खः धयादिल । अथे हे प्रा. डा. दुर्गालाल श्रेष्ठं नेवाःतय्गु आर्थिक विकास तच्वयेका यंकल धाःसा नेवाः राज्य पलिस्था यायेत अःपुइगु बिचाः प्वंकादिल ।

ज्याझ्वलय् न्ववासें थौंकन्हय् न्ह्यानाच्वंगु थारु आन्दोलनया न्ह्यलुवाः लक्ष्मण थारुं थ्व झिंप्यला न्ह्यागु हे संघर्ष यायेमाःसां यानाः थ्व देशय् नेवाः राज्य, थारु राज्य स्वने हे माः धयादिल । ज्याझ्वलय् थारु आन्दोलनयात ग्वाहालि याये कथं नेपाः राष्ट्रिय पार्टीपाखें २०००० तका दां नं सभासद् बुद्ध साय्मिं भाजु थारुयात लःल्हानादीगु खः ।

ज्याझ्वःया सभापति एवं नेपाः राष्ट्रिय पार्टीया नायः डा. केशवमान शाक्यं प्रधानसेनापति प्रकरणय् नेपाः पार्टीया धापुतिं निर्णायक रुप कायेत ग्वाहालि याःगु दु धयादिल ।

ज्याझ्वलय् नेपाः राष्ट्रिय पार्टीया मू दुजः सत्यनारायण साय्मि पसौ्रनी मदुगुया लुमंति कथं छगू मिनेट मौन धारण जूगु खःसा जनकवि दुर्गालाल श्रेष्ठं कविता पाठ व सुरेश मानन्धरं वय्कःया बारे कनादीगु खः । संघीयताय् नेवाः …।