प्रधानमन्त्रीया धापू कानुन विपरित : सिंचाइ मन्त्री
सिंचाइ मन्त्री बालकृष्ण खाँडं प्राधनमन्त्रीं सहमति मजुसाः थःगु कार्यकारी अधिकार राष्ट्रपतियात लःल्हायेगु धकाः न्ववाःगु धापू कानुन विपरित जूगु धयादीगु दु । वय्कलं अज्याःगु व्यवस्था अन्तरिम संविधानय् न्ह्यथनामतःगु नं धयादिल ।
नेपाल प्रेस युनियनं बिहीवाः चितवनय् याःगु पत्रकार सम्मेलनय् मन्त्री खाँडं राष्ट्रपतियात अधिकार लःल्हायेगु छुं नं कथंया संवैधानिक लँपू मदुगु धासें प्रधानमन्त्रीनाप अज्याःगु अधिकार नं मदुगु धयादिल ।
बुधवाः च्वंगु स्वंगू दलया शीर्ष नेतातय् मुँज्याय् प्रधानमन्त्री नेपालं बजेट बिहीनताया अवस्थाय् थः छगू मिनेट नं पदय् मच्वनीगु बरु उकीया पलेसाः थःगु अधिकार राष्ट्रपतियात लःल्हायेगु धयादीगु खः ।
पत्रकार सम्मेलनय् मन्त्री खाँडं प्रधनमन्त्री राष्ट्रिय दायित्व पाखें ल्यूने वनेमज्यूगु बिचाः नं प्वंकादीगु खः ।
