दमकय् प्रहरी चौकी घेराउ यासें बजाः नापं बन्द

येँ (सन्ध्या टाइम्स)/प्रहरीया गाडीं ठक्कर नकाः मनू सीवं दमकया प्रहरी ज्याकुथी स्थानीय नापं मदुम्ह मनूया छेँजःपिंसं घेराउ यानाः दमक बजाः तनां बन्द याना बिल। प्रहरीं लापरबाहीपूर्वक गाडी चले यानाः मनू स्याःगु द्वपं बिसें सुथंनिसें हे प्रहरी चौकी घेराउ याःगुलिं स्थिति तनावग्रस्त जुयाच्वंगु दु। लिसें अन यातायात व बजाः नं बन्द जूगु दु। वंगु चान्हय् इलाका प्रहरीया गस्ती वंगु भ्यानं ठक्कर नकाः दमकया २२ दँ दुम्ह सुमन राईयात घाःपाः याना बिउगु खःसा लिपा वासः याकुयाकुं राई सीगु खः। घाःपाः जूम्ह राईयात भारतया सिलगुडीइ वासः याके यंकूगु खः। उगु घटनायात कयाः क्षतिपूर्ति व गाडी चले याःम्ह चालकयात कारवाही यायेमाःगु माग यानाः प्रहरी विरुद्ध नाराबाजी तकं याःगु दु ।