निगू न्हूगु सिरपाः घोषणा

येँ (सन्ध्या टाइम्स)/नेपालभाषा एकदमि व दान्यहिरा सिरपाः कोषपाखें आकिवंनिसें विज्ञान व प्रविधिया ख्यलय् ज्या यानाच्वंपिं मनूतय्त नं बीगु कथं निगू न्हूगु सिरपाः घोषणा याःगु दु। म्हिगः बाखंच्वमि माधवलाल कर्माचार्ययात दान्यहिरा सिरपाः व ईलोहं मचालय्पौयात दान्यहिरा हःपाः सिरपाः लःल्हायेगु समारोहय् तुं दता यज्ञरत्न धाख्वाजुं थुकिया घोषणा यानादीगु खः ।