'कार्तिक दुने न्हूगु सरकार'
येँ (सन्ध्या टाइम्स)/एमालेया महासचिव ईश्वर पोखरेलं कार्तिक मसान्त दुने राष्ट्रिय सहमतिया सरकार दयेकेगु जुइ धयादीगु दु ।
इलामय् थौं सुथय् ग्वसाः ग्वःगु पत्रकार भेटघाट ज्याझ्वलय् न्ववासें वय्कलं न्हूगु सरकारं हे चालू आर्थिक दँया बजेट हइगु दावी नं यानादिल ।
शान्ति व संविधानया निंतिं एमाले गुगुं नं इलय् पंगः जुइ मखु धासें वय्कलं माओवादी व कांग्रेसं यानाः हे राष्ट्रिय सहमतिया सरकार दयेके मफयाच्वंगु खः धयादिल। वय्कलं धयादिल, 'सहमतिया नितिं कांग्रेसं प्रधानमन्त्रीया उम्मेदवारी लित कायेमाः ।'
